我嘅輔導方式

要得到有意義嘅輔導成果，「真誠嘅連結」往往係最關鍵嘅一環。我會以建立一個無批判、安全嘅空間為先，並用心聆聽你帶嚟嘅議題與需要。

我主要運用敘事治療（NT）同焦點解決短期治療（SFBT），以下係更多關於兩個輔導方式嘅資料。

敘事治療 (Narrative Therapy)

敘事治療著重你嘅信念同價值觀。透過重新理解你嘅故事，去強化你內在嘅聲音，令你可以用更適合你嘅方式向前行。

如果你覺得自己被標籤困住（例如家庭角色、社會期待、或者內在批評），敘事治療可能特別有幫助。好多時，媒體會令我哋好容易將注意力放喺「我做錯咗啲乜」同「我唔夠好」上，甚至令焦慮變得更大。

喺我哋嘅對話入面，我哋會慢慢放慢步伐，一齊了解「問題」係點樣影響你，同埋你而家用緊咩方式去應對。你亦可以更清楚睇到自己內在嘅資源同價值觀，喺呢個處境入面可以點樣派上用場。

最後，我哋會一齊了解更多人生裡面嘅選擇，探索真正屬於你嘅下一步可以點行。

焦點解決短期治療係一種實際、集中於將來嘅輔導方式。當你期望事情有更加清晰既下一步，SFBT 可能會特別適合你。

喺我哋嘅會談入面，我哋會一齊傾下「更好嘅將來」對你嚟講會係點樣，將未來具體化。然後，我哋會將你本身已經有嘅能力同資源抽出嚟，化成一啲細小、可做到嘅行動，幫你一步步行向你想要嘅生活。